Gurmuu Walii Ta’uun Industirii Konistiraakshinii Naannoo Keenyaa Haa Ceesifnu!!
Abbaan Taayitaa Konistiraakshinii Oromiyaa Walta’insa Waldaa Kontiraaktaroota Naannoo Oromiyaatiin sagantaa marii guyyaa tokkoo Magaala Finfinneetti taasiseera. Sagantichi hoggansa olaanoo federaalaa fi naannoo Oromiyaa industirii konistiraakshinii keessaa jiranii fi kontiraaktaroota, gorsitootaa fi abbootii pirojektii naannoo Oromiyaa kan hirmaachise yemmuu ta’u qorannoo gabaabaan lama dhiyaachuun marii bal’aan taasifamee jira.
Haaluma kanaan Abbaan Taayitaa Konistiraakshinii Oromiyaa barreeffama gabaabaa ergaa cimaa of keessaa qabu kan dhiyeesse yoo ta’u, ciminni, hanqinnii fi carraan jiru barreeffamicha keessatti ibsamee jira. Gahumsa dhabuun Kontiraaktarootaa rakkinaalee pirojektoota Naannoo Oromiyaatiif gahee guddaa qabaa tullee; harkifannaan kaffaltii raawwachuu irratti gama mootummaatiin jirus qaama rakkoo kanaa akka ta’e barreeffama dhiyyate keessatti ibsamee jira. Rakkinaaleen harkifannaa pirojektootaa qaama tokko duwwaaf kan kennamu osoo hin taane qooda fudhattoonni hundi rakkina gama isaatiin jiruamanee fudhachuu dhaan gara furmaataatti galuun dhimma murteessaa akka ta’e Daayirektarrri Olaanaa Abbaa Taayitaa Konistiraakshiniii Ormomiyaa Dr.Masaay Daani’eel Dubbatanii jiru.
